Federal Relief Funds

ကမျၢၢ်အတၢ်ဟ့ၣ်ထီၣ်တၢ်ထံၣ်တၢ်ပာ်သးလၢအမဲရကၤတၢ်မၤပူၤဖျဲးအတၢ်ရဲၣ်တၢ်ကျဲၤအကျိၣ်စ့တၢ်မၤစၢၤ

မံၣ်နံၣ်စိထၣ်တၢ်ကူၣ်ဘၣ်ကူၣ်သ့အ၀ဲၤကျိၤ(MDE) အံၤန့ၣ်အခဲအံၤ တူၢ်လိာ်၀ဲဒၣ်ကမျၢၢ်အတၢ်ဟ့ၣ်ထီၣ်အတၢ်ထံၣ်တၢ်ပာ်သး လၢအဘၣ်ထွဲဒီးတၢ်သူကီၢ်စဲၣ်စၢဖှိၣ်အစ့လၢတၢ်ပာ်လီၤဃာ်အီၤလၢတၢ်ကူၣ်ဘၣ်ကူၣ်သ့အဂီၢ်လၢအတဖီၣ်ဃံးတၢ်ခီဖျိအမဲရကၤတၢ်မၤပူၤဖျဲးအတၢ်ရဲၣ်တၢ်ကျဲၤ(American Rescue Plan)န့ၣ်လီၤ. ကမျၢၢ်အတၢ်ဟ့ၣ်ထီၣ်အတၢ်ထံၣ်တၢ်ပာ်သးတခါအံၤ အဆၢကတီၢ်န့ၣ်မ့ၢ်၀ဲဒၣ်လၢကမျၢၢ်ထံဖိကီၢ်ဖိတဂၤလၢ်လၢ်လၢအအိၣ်ဒီးတၢ်သးစဲလၢတၢ်ဂ့ၢ်အံၤအဖီခိၣ်န့ၣ်လီၤ. MDE အံၤ အသးစဲ၀ဲဒၣ်လၢတၢ်ကနၢ်ဟူဘၣ်တၢ်လၢပှၤတဂၤ မ့တမ့ၢ် ကရူၢ်လၢအဘၣ်ထွဲခဲလၢာ်လၢအပာ်ဃုာ်-

· မိၢ်ပၢ်ဒီးဟံၣ်ဖိဃီဖိတဖၣ်
· ကၠိဖိတဖၣ်
· ကၠိအကီၢ်ရ့ၣ်ဒီးခၠၣ်ထၣ်အကၠိတဖၣ်လၢအအိၣ်လၢကီၢ်စဲၣ်တၢ်လီၢ်၀း၀း
· သရၣ်သမါ,ကၠိဖိ,ကၠိအခိၣ်အနၢ်လၢအဂၤတဖၣ်,ပှၤစဲၣ်နီၤအခီၣ်ထံးတပတီၢ်တဖၣ်, ပှၤလၢအမၤတၢ်ဘၣ်ထွဲဒီးတၢ်နဲၣ်လီၤဂ့ၢ်၀ီအတၢ်ဆီၣ်ထွဲလၢတၢ်ဂ့ၢ်လီၤလီၤဆီဆီဒီးတၢ်ကရၢကရိလၢအကဲခၢၣ်စးလၢနီၢ်တဂၤစုာ်စုာ်အဂီၢ်
· ခၠၣ်ထၣ်အကၠိအခိၣ်အနၢ်တဖၣ်
· ပှၤတ၀ၢအတၢ်ကရၢကရိတဖၣ်
· အမဲရကၤဖိအ့ဒယၣ်ဒူၣ်ကလုာ်ဖိဒီးအခိၣ်အနၢ်တဖၣ်
· ထံဖိကီၢ်ဖိခွဲးယာ်တၢ်ကရၢကရိတဖၣ်,လၢအပာ်ဃုာ်ကရၢလၢအကဲခၢၣ်စးန့ၢ်၀ဲဒၣ်ကၠိဖိလၢအအိၣ်ဒီးနီၢ်ခိနီၢ်သးက့ၢ်ဂီၤတလၢတပှဲၤတဆူၣ်တချ့တဖၣ်, ပှၤမၤလိအဲးကလံးကျိာ်တဖၣ်ဒီးကၠိဖိအဂၤလၢမ့ၢ်ကွၢ်လၢတၢ်စံၣ်စိၤတဲစိၤအပူၤတၢ်တမၤန့ၢ်ခဲးတၢ်လၢအဂီၢ်လၢလၢပှဲၤပှဲၤတဖၣ်
· တၢ်ကူၣ်ဘၣ်ကူၣ်သ့အပတီၢ်ထီအတၢ်ကရၢကရိတဖၣ်
· တၢ်မၤကစၢ်တဖၣ်,မုၢ်၀ဲၤတဖၣ်
· ကၠိဖိလၢတမ့ၢ်ကမျၢၢ်အကၠိအခၢၣ်စးတဖၣ်
· ခိၣ်နၢ်ဒီးပှၤသိၣ်လိတၢ်ဖိတဖၣ်လၢအမၤတၢ်ဘၣ်ထွဲဒီးဖိသၣ်ဆံး

တၢ်စံးဆၢလၢတၢ်ဃုသ့ၣ်ညါမၤလိအံၤကဘၣ်တၢ်သမံသမိးကွၢ်ကဒါက့ၤအီၤခီဖျိ MDE အပှၤမၤတၢ်ဖိန့ၣ်လီၤ.

ကမျၢၢ်အတၢ်ဟ့ၣ်ထီၣ်တၢ်ထံၣ်တၢ်ပာ်သးအဆၢကတီၢ်က၀ံၤ၀ဲဒၣ်ဖဲဟါ 4 နၣ်ရံၣ်
မုၢ်ဆၣ်, လါယူၤ 21 သီ. တၢ်ထံၣ်တၢ်ပာ်သး တဖၣ်တၢ်တီၣ်ထီၣ်အီၤဒ်အံမ့လ်အတၢ်ဘျးစဲထၢနုာ်လီၤတခါအသိးဒီးဆှၢဆူ
mde.federalcovidfunds@state.mn.usမ့တမ့ၢ် ခီဖျိတၢ်သူလံာ်ပရၢတၢး (အိၣ်ဒီးလံာ်ပရၢးတၢးအတၢ်စဲပနီၣ်လၢအစံး လါယူၤ 21 သီ) ဆူ-

မံၣ်နံၣ်စိထၣ်တၢ်ကူၣ်ဘၣ်ကူၣ်သ့၀ဲၤကျိၤ
တိၢ်နီၣ်- ကီၢ်စဲၣ်စၢဖှိၣ်ကျိၣ်စ့တၢ်မၤစၢၤကမျၢၢ်အတၢ်ဟ့ၣ်ထီၣ်တၢ်ထံၣ်တၢ်ပာ်သး
1500 Highway 36 West
Roseville, MN 55113